Vos labraré un pendón title: Vos labraré un pendón (76); canción. inf1 e inf2 ... lo oyí yo dezzi[r], ca del mi padre, seño[r]: "El quien por amores cazza su vida vive con dolo[r]." conversación Samuel G. Armistead ¿Qué pasó? Está bien Samuel G. Armistead Sí, está bien. canción. inf1 Siempre lo oyí yo dezzi[r] en ca de mi padre, seño[r]. Que quien por amores cazza su vida vive con dolo[r], Que quien por amores cazza su vida vive con dolo[r]. Ansí hizzi yo, mesquino, por amores cazzíme yo. Cazzíme con una galana, hija era del rey, mi señor. Eya era mujer bien puesta, yo era hombre gastado[r]. Eya era mujer bien puesta, yo era hombre gastado[r]. Gastí midh hazzienda y suya, cuantas trujo y tenía yo. Gastí midh hazzienda y suya, cuantas trajo y tenía yo. Y ahora, por mis pecado[s], volvíme hombre apropiado[r]. Ahora, por mis pecado[s], volvíme hombre apropiado[r]. canción. inf2 Mientras yo apronto ... canción. inf1 -- Mientra yo apronto las viña[s], mujer, ensharmentaldais vo[s]. [] -- Mientras yo apronto las viña[s], mujer, ensharmentaldais vo[s]. -- No puedo, señor, ni sé, mi padre no me lo enseñó. -- No puedo, señor, ni sé, mi padre no me lo enseñó. Las manitas tengo blanca[s], no me las quemaré yo al so[l]. Ish traidme oro y seda, vos labraría yo un pendó[n]. A un lado os pondré la luna y al otro el ojo del so[l]. A un lado os pondré la luna y al otro el ojo del so[l]. De ladh estreyas menuda[s], vos las pondré yo alderredo[r]. Y ensima de todo esto, la grasia del rey, mi señor. Cuando le pongáidh en venta, no digáis quién ta[l] labró, Cuando le pongáidh en venta, no digáis quién tal labró. No sea que lo oya mi padre y diga que eso qu[e] hisi yo. No s[e]a que lo oigan midh hermano[s], [] se matarán a cuchiyo. No s[e]a que lo oiya mi madre, dalre dolor al corasón. Más vale que yo me caye y no lo diga ninguno, como la que sufre y tapa las faltas de su marido. conversación inf1 ¡Aquí está! Samuel G. Armistead Hecho. ¡Hombre! Eso es magnífico. inf1 Está bien. corte de cinta

Play Audio for this Transcription Download MP3 Audio File Formatted Transcription TEI Original