Gallarda matadora canción.inf1 Estábase la Gayarda en la su sala de arriba, peinando ricos cabeyos que paresen seda fina. Por ahí pasó un cabayero que era la flor de Galisia. -- Suba, suba, cabayero, suba, suba por su vida. -- El cabayero subió, sien almas de amor herida[s]. Asomóse a la ventana por ver el fresco que hasía. [A]somóse a la ventana por ver el fresco que hasía. D'ahí, vido siet ... [ se corrige ] tres cabesas colgadas en una oliva. -- ¿De quién son esas cabesas, Gayarda, traidora mía? -- La una es de mi padre y la otra es de mi tía. -- La una es de mi padre y la otra es de mi tía. Y la otra es de un hermano, la prenda que yo tenía. Sene, sene, cabayero, sene, sene por su vida. -- Vengo senado, señora, por ser el último día. -- Gayarda le hase la cama y el cabayero la vía. Púsele sinco colchone[s], sábanas de Holanda fina. Púsele sinco corchone[s], sábanas de Holanda fina. En mitas de los corchone[s], un puñal de oro metía. Eso de la medianoche, Gayarda se removía. -- ¿Qué buscas tú, mi Gayarda, Gayarda traidora mía? -- ¿Qué buscas tú, mi Gayarda, Gayarda traidora mía? -- Busco yo un puñal de oro para quitarte la vida. -- Busco yo un puñal de oro para quitarte la vida. -- Ese puñal que tú busca[s] y en mi mano le tendría. -- Se le metió por la espalda y el corasón la trespasa. Ya se va el cabayero corriendo por las vía[s]. Se fue el cabayero corriendo por las vía[s]. -- Ábrime, guardián, la puerta y abrímela por tu vida. -- Ábrime, guardián, la puerta, ábremela por tu vida. -- No se la abro, cabayero, no se la abro por mi vida. No se la abro, cabayero, no se la abro por mi vida. Que si Gayarda lo sabe, la vida nos quitaría. -- No la temas tú a Gayarda, ni meno[s] a su gayardía, que Gayarda ya'stá muerta y en el suelo está tendida. que Gayarda ya está muerta y en el suelo está tendida. -- Si eso es verdas, cabayero, ganas la flor de Galisia. -- Si eso es verdas, cabayero, gana[s] la flor de Galisia. Que de sien que habían entrado, tú solo sales con vida. corte de cinta

Play Audio for this Transcription Download MP3 Audio File Formatted Transcription TEI Original