Transcription

Formatted Transcription

Play Audio for this Transcription Download MP3 Audio File TEI Original

Ballad Title Not Yet Identified title: Culebro raptor canción. inf1 Y estábase la infanta y en siya de oro sentada. Peine de oro en la su mano, los sus cabeyos peinara. Por ahí pasara un culebro que de eya se namorare. Juró que la ha de yevare y con eya se ha de cazzare. Ya yoraba la i[n]fanta lágrimas de cuatro en cuatro. Ya yoraba la infanta lágrimas de cuatro en sinco. Por ahí pasara su padre, a la infanta incontró yorando -- ¿Qué tienezz y tú, la infanta, o quién te ha hecho male? Si te han hecho mal los moros, yo los mandaré a matare. Si te han hecho mal cristianos, los mandaré a desterrare. Si te han hecho mal judíos, los mandaré a cautivare. -- Ni me han hecho mal los morodh ni los mandezz a matare. Ni me han hecho mal cristianos ni los mandes a desterrare. Ni me han hecho mal judíos, gente son que mal no hazzen. Por aquí pasó un culebro que de mí se namorare. Juró que me ha de yevare, conmigo se ha de cazzare. -- No os te dé nada, la infanta, no os te dé nada, mi vida. Te pondré yo a ti las guardias, las guardias las venticuatro. Te pondré yo a ti las guardias, las guardias las ventisinco. -- Cuando viñiera [e]l culebro y a todozz hayó dormiendo. Y antes que canten los gayos y toquen con lodh sus picos, el culebro y la infanta ya había[n] pasado lo[s] ríos, el culebro y la i[n]fanta ya habían pasado las mares. Y en mitad de aquel camino, vio venir a una tortola. -- Tortolita, tortolita, así Dios te guarde del male, le dirás al rey mi padre que no vaya ya al meshuare. [ no entiendo ] Le dirás a mis hermanos que en cabayos no acabalguen. Le dirázz a mizz hermanas que no vayan más al baile. Le dirázz a la mi madre que yore y no se caye. -- Que en mitad de aquel camino ya había pasado lo[s] ríos. Que en mitad de aquel camino ya había pasado las mares. Yoren, yoren las señoras, las que tienen razzón, por la Cazza Santa y el jorbán de Siyón. fin de cinta