title: Silvana recitado. inf1 Se paseaba Silvana por un corral que tenía, vergüezha de oro en su mano que mu[y] bien eya tañía. Que bien tañe y mezhor teme y mizhor romanses dezzía. De ayí la oyó'l su padre, de altas torres de arriba. -- ¡Qué bien paresésh, Silvana, con sayos de seda fina! Suberésh aquí, Silvana, suberézh aquí, mi hizha. Plazzer me hasésh, Silvana, de haservos amiga mía. -- Plazzer vos hago,'l mi padre, para mi escortesía. Deshéshme ir a un baño, a un baño de agua fría, como suelía mi madre cuando con el rey durmía. -- Anda un buena hora, Silvana, y ven seash bienvenida. -- Se abashaba Silvana de ahí arr ... [ se corrige ] abashó arriba. De los sus ozhos yoraba y de su boca dezzía: -- Oyíme, el Dio del sielo, a también la madre mía. -- De ahí la oyó la madre, de altas torres de arriba. -- ¿Qué vos pasa a vos, Silvana? Contámeme a mí, mi hizha. -- El rey, vuestro marido, de amores me prometía. -- Ha pregonado Silvana por cuanto grande es el Seviya [.....] que no la [en]siendan candelería. A el fin de medianoche, aende el rey se iría. -- Vengásh en buena hora, Silvana, ven in buena hora, mi hizha. -- A el fin de medianoche, él demandas le demandaría. -- ¿Madre que parió a Silvana qué repuesta vos daría? -- ¡Oj! ¿Qué me hasésh, la reina? Que me hasésh escortezzía. -- Vos querésh manchar Silvana, Silvana güestra hizha. Vergüensa en güestra cara, el rey de tanto pueblo que él tenía. corte de cinta

Play Audio for this Transcription Download MP3 Audio File Formatted Transcription TEI Original