Folk Literature of the Sephardic Jews Multimedia Digital Library

Formatted Transcription

Play Audio for this Transcription Download MP3 Audio File TEI Original

Infantina canción. inf1 Y a casar iba'l cabayero, y a casar como solía. Los perro[s] l'iban casando y en una'scura montaña, donde no hay moro ni mora, ni criatura nasida, donde canta la leona y el león la arrespondía, donde canta la leona y el león la arrespondía. Y en ese monte tan alto y ahí'stá una infantiya. Y en ese monte tan alto y ahí'stá una infantiya, su cuerpo, cuerpo de pilo, su naris, de oro y plata, su cuerpo, cuerpo de pilo, su naris, naris de plata. Cabeyo de su cabesa, todo su cuerpo cubría. Resplandor de la[s] sus ojo[s], todo el monte lusía. -- Por tu vida, cabayero, levísme en su compañía. Ni me yevéis por mujer, ni me yevéis por amiga, levísme por una esclava, sirveré toda mi vida. -- Por mujer, la mi señora, por mujer que más valía. Madre vieja tengo'n casa, su consejo tomaría. -- Y a la vuelta que volviera, ni hayó monte ni niña. -- Hombre que tal mujer pierdes, y hombre, ¿qué es tu meresimiento? -- D'atarse de piezz y mano[s] y a la mar se tiraría. corte de cinta