Folk Literature of the Sephardic Jews Multimedia Digital Library

Formatted Transcription

Play Audio for this Transcription Download MP3 Audio File TEI Original

Cautiverio del príncipe Francisco recitado. inf1 Cautivaron a Fransisco en la mitad del combate, que se le rompió la espada en la mitad del combate. No le cautivó ninguno que se quiso cautivare, que se le rompió su espada estando guerreando. Ya le meten en prisiones honda y de escuredade. La reina [ se corrige ] Ya yoraba don Fransisco, yoraba y se hasía males. Oyídole había la reina desde su alto castiyo: -- No yores tú, don Fransisco, no yores ni te hagas males. Renega tú de tu ley, yo te sacaré'e prisiones. Te daré las mis castiyos, mis viñadh y mis caudales. Mal fuego [ se corrige ] Y para más todo eso mi puerpo que más valía. -- Mal fuego queme tus bienes, tus bienes y tudh hogares. Mal fuego queme tus viñas, tus viñadh y tus hogares. Mi esposita tengo en Fransia, con eya me he de casare. -- Y l'agarran descuidado y le dan de puñaladas. Siete vesedh echan suerte por vier ei que le va a enterrare. Todas las siete caía al desgrasiado de su padre. En Parídh está doña Arda, la esposita de don Fransc ... [ se corrige ] De don Ra ... [ se corrige ] de Rondales. Dosientas damas con eyas, todas de alto y de buen linaje. Las sientos tocaban tol ... [ se corrige ] hasían torneos, lazz sientos tañien ta ... [ se corrige ] tambores. Al son de las música[s], doña Arda vensida'stade. Recordó desfavorida, con un favor ya tan grande. -- Un sueño soñé, mis dama[s], un sueño qu'ansí soñare: "Por aquel sharab de arriba garsa negra vi volare. De su pico corre sangre y de sus plumas caen pluma[s]." La que en bien me le ensolviere [ se corrige ] ensuelviere buen marido la ha de dare. Buen marido la ha de dare, con dinero y ashuares. Y la que mal me le ensuelviere, matarla con mi puñale. -- Todas disen a una vos: -- Bien será y bien se os hagares. La sangre, las [ se corrige ] mi señora, esa es la vuestra libertade. Las aves, la mi señora, gayinas que has de matare cuando viniere Fransisco. -- Eyodh en estas palabras, un paje a la puerta bate. -- ¿Qué novedad me traes, paje, de mi esposo don Fransisco? -- La noveda[d] que yo os traigo que odh haré yorares. Por aquel sarab d'arriba, ayí mataro[n] a Rondale. Cuatro puñaladas tiene alderredor del coyare. Por una la entra el sol, por otro, el gavilane. Siete vesedh echan suertes, por que [ se corrige ] por ver quién le manda a enterrar. -- Señora, manda pronto a enterra[r]le, que su padre queda muerto. fin de cinta