Folk Literature of the Sephardic Jews Multimedia Digital Library

Formatted Transcription

Play Audio for this Transcription Download MP3 Audio File TEI Original

Ballad Title Not Yet Identified title: Raquel lastimosa canción. inf1 Esta Rahel, la hermosa, hermosura que Dios la dió. Siendo mujer de quien era, mujer del gobernador. Un día yendo al paseo con sus damas de honor, se encontró con un mansebo que la declaró su amor. El mansebo se retía [ no entiendo ] en tratar con eya en amor. Mandóla munchos regalos, regalos de gran valor. Un aniyo que la manda sólo la siudad valió, el oro no valió nada la piedra muncho valió. El gobernador seloso, de todo fue sabidor. Por la linterna en la mano las ricas piernas quemó. -- No me mates con cuchiyo que de muerte dolorida. corte de cinta